Walang pakialam si PNP Chief Dir/Gen. Ronald Bato Dela Rosa sa pagbaba ng bilang ng mga nasisiyahan sa kampaniya kontra droga ng pamahalaan.
Ayon sa PNP Chief, hindi naman siya pulitiko kaya’t hindi siya apektado sa lumalabas na resulta ng mga survey firms.
Giit pa ni Dela Rosa, naniniwala siyang tama ang kanilang ginagawa kaya’t hindi rin siya nababahala kung may nasasagasaan o makatanggap sila ng negatibong komento sa kanilang pagganap sa tungkulin.
Magugunitang pumalo sa 66 na porsyento o labing isang porsyento ang ibinaba ng mga nasisiyahan sa war on drugs mula sa dating 77 porsyento.
By: Jaymark Dagala
