Apat pang miyembro ng Abu Sayyaf patay sa pakikipag-bakbakan sa militar sa Bohol

Apat pang miyembro ng Abu Sayyaf ang napatay sa pakikipag-sagupaan sa militar sa bayan ng Clarin, Bohol.

Kinumpirma ni AFP spokesman, Brig. Gen. Restituto Padilla na kabilang sa napatay ang Abu Sayyaf sub-leader na si Joselito Melloria, alyas Abu Alih, ang Boholano na nagdala sa kanyang  bayan ng  Inabanga at nagsilbing tour guide ng mga bandido.

Ayon kay Padilla, nakatanggap sila ng  sumbong mula sa isang habal-habal driver na naghatid sa isa sa mga bandido sa Barangay Poblacion Centro sa Clarin upang bumili ng tinapay, kahapon ng umaga.

Bagaman ilang oras tinugis ang mga bandido matapos ang unang sagupaan, na-corner ang mga ito sa Barangay Caboy, pasado alas otso kagabi.

Samantala, apat pang bandido ang tinutugis ng mga tropa ng gobyerno na pinaniniwalaang nagtatago sa isang kuweba sa Clarin.

By Drew Nacino

Comments

comments