Bantay sarado na ng mga awtoridad ang Metro Manila upang matiyak ang seguridad nito mula sa mga terorista kasabay ng ASEAN summit.
Ayon kay PNP Chief Dir/Gen. Ronald Bato Dela Rosa, tinututukan na nila ang lahat ng posibleng daanan ng mga terorista mula sa kalupaan, dagat at maging sa himpapawid.
Ngunit sa kabila nito, tiniyak ni bato na wala silang namomonitor na anumang naka-ambang banta sa seguridad ng pagdarausan ng mga pagtitipon.
Ginagawa rin ng pulisya ang lahat upang matiyak na maging ligtas ang mga pagpupulong at ipinagpapasadiyos na lang din ni Dela Rosa ang mga bagay na hindi inaasahan.
By: Jaymark Dagala
