Umakyat na sa 37 miyembro ng Maute Terrorist Group ang napapatay sa nakalipas na tatlong araw na operasyon ng militar sa Piagapo, Lanao Del Sur.
Ito’y makaraang madagdag ang tatlong Indonesian at isang Malaysian nationals na miyembro ng grupong Jemaah Islamiyah na konektado rin sa Maute Group.
Ayon kay AFP Chief of Staff Gen. Eduardo Año, 14 sa mga nasawi ay nakilala na habang 23 sa mga iyon ang patuloy pa ring kinikilala.
Inamin din ni Año na hindi bigo ang militar na makuha ang bangkay ng mga banyaga ngunit kumpirmadong napatay ang mga ito batay sa intelligence report at sa salaysay ng nakasaksi sa lugar ng bakbakan.
By: Jaymark Dagala / Jonathan Andal
