Ipinag-utos ng PCG o Philippine Coast Guard ang 24 oras na pagpapatrolya sa Palawan.
Inatasan ni PCG Officer in Charge Commodore Joel Garcia ang Coast Guard Palawan na siguruhin ang kanilang presensya sa mga panguhaning pantalan sa lalawigan, gayundin ang mga tourist destination partikular na ang El Nido, Coron at Puerto Princesa City.
Kasabay nito, nag-deploy na ang Coast Guard ng K-9 unit upang makatulong sa pagtutok sa seguridad sa Palawan.
Matatandaang napasok na ng Abu Sayyaf Group ang Puerto Princesa City partikular ang Dos Palmas Resort ilang taon na ang nakalilipas kung saan dinukot ang mga turista doon kabilang ang mag-asawang misyonero na sina Gracia at Martin Burnhum.
By: Meann Tanbio
