British Prime Minister Theresa May nakiramay sa mga biktima ng Ariana Grande concert blast

Nakiramay si British Prime Minister Theresa May sa mga biktima ng pinaniniwalaang terrorist attack sa Manchester city.

Ayon kay May, tinututukan na nila ang sitwasyon at puspusan na ang imbestigasyon ng mga awtoridad.

Nagpatawag na ng emergency meeting ang punong ministro upang talakayin ang panibagong pag-atake sa Britanya.

Labinsyam ang nasawi habang halos animnapu na ang nasugatan sa pambobomba sa kalagitnaan ng concert ng American pop singer na si Ariana Grande.

Samantala, inaalam na ng mga awtoridad kung isang suicide bomber ang nagsagawa ng pag-atake lalo’t isang lalaki sa concert grounds na kabilang sa nasawi ang napuruhan.

By Drew Nacino

Comments

comments