Umakyat na sa tatlumpu (30) ang bilang ng mga biktima ng sunog sa Grenfell Tower sa London ang isinugod sa ospital.
Ito’y batay sa ulat ng London Ambulance Service kung saan, sinasabing mayroon pang mga na-trap sa loob ng dalawampu’t pitong (27) palapag na gusali.
Batay naman sa ulat ng London Fire Brigade, nagsimula ang sunog sa ikalawang palapag ng gusali hanggang sa umakyat na ito sa pinakataas na palapag.
Dahil dito, umabot na sa dalawandaang (200) trak ng bumbero ang nagtutulungan ngayon para apulahin ang apoy sa naturang sunog na nagsimula dakong 5:00 pa kaninang umaga oras sa London.
By Jaymark Dagala
