Magkakaroon ng second round ang pagpupulong nina Pangulong Noynoy Aquino, Department of Interior and Local Government (DILG) Secretary Mar Roxas, Senator Chiz Escudero at Senator Grace Poe.
Ito ay matapos ang kanilang pagkikita kagabi kung saan umabot ng higit sa 6 na oras ang kanilang pag-uusap sa Bahay Pangarap.
Ayon kay Senator Chiz Escudero, ito ay dahil wala pang naging desisyon sa kung sino ang mamanukin ng administrasyon sa darating na eleksyon.
Posible aniyang sa susunod na linggo o bago ang State of the Nation Address (SONA) ng Pangulo ang maging susunod nilang pag-uusap.
Samantala, bahagyang nagbigay ng detalye si Senator Chiz Escudero sa naging pagpupulong nila.
Ayon kay Escudero, cordial at relaxed ang kanilang naging meeting.
Bukod aniya sa 2016 elections ay marami pa silang napag-usapan na mga isyu sa lipunan.
Chinese food din ang kanilang pinagsaluhan sa naturang dinner meeting sa Bahay Pangarap.
By Rianne Briones | Cely Bueno (Patrol 19)
