Pinaalalahanan ni Pangulong Rodrigo Duterte ang kanyang mga cabinet member na huwag gumamit ng special plate, partikular ang plaka na kung saan nakalimbag ang numero ‘6’.
Tahasang sinabi ng Pangulo na sukang-suka ang publiko sa tuwing may nakikitang opisyal ng pamahalaan na gumagamit ng special plate sa kanilang mga sasakyan.
Ipinapaubaya naman ng Pangulo ang paggamit ng special plate ng mga nasa lehislatura at hudikatura, gayong ito aniya ay separate body at wala sa kanyang hurisdiksyon upang ito’y pagbawalan.
Hindi rin saklaw sa pagbabawal ng Pangulo sa special plate ang mga nasa LGU o local government units, ngunit kasama sa kanyang direktiba ang mga appointed officials.
- Meann Tanbio
