Nagpaabot ng pakikiramay ang Malakanyang sa sinapit ng dalawang (2) sundalo na nasawi sa friendly fire sa Marawi City kahapon.
Sinabi ni Presidential Spokesman Ernesto Abella na nalulungkot ang Palasyo sa nangyaring friendly fire dahil bukod sa may namatay na sundalo, may mga kasamahan pa ang mga ito na nasugatan.
Bumuo na aniya ng isang grupo na magsisiyasat sa insidente na nauwi sa trahedya.
Binigyang-diin ni Abella na hindi makalilimutan ng pamahalaan ang kabayanihan ng mga sundalo kasabay ng pagtitiyak na magkakaloob ng ayuda at benepisyo sa mga naiwang kaanak at mahal sa buhay.
- Meann Tanbio | Story from Aileen Taliping
