Isa pang Vietnamese hostage pinatay ng Abu Sayyaf

Isa pang Vietnamese hostage ang pinaslang ng grupong Abu Sayyaf sa Sulu.

Kinumpirma ng militar na narekober ang isang bangkay na tadtad ng bala na pinaniniwalaang si Tran Khac Dung alyas Tran Viet Van, mula sa barangay Buhanginan sa bayan ng Patikul, noong Hulyo 8.

Narekober ang biktima ilang oras matapos maka-engkwentro ng mga tropa ng gobyerno ang ilang miyembro ng ASG.

Hindi matiyak ng Joint Task Force Sulu kung pinatay ang dayuhan sa kasagsagan ng pakikipag-bakbakan ng mga bandido sa mga awtoridad.

Si Tran ang ikatlong Vietnamese hostage na pinatay ng teroristang grupo sa loob lamang ng isang linggo.

By  Drew Nacino  

Comments

comments