Hindi magarbo ang White House na sinasabing ginastusan ng P11 milyong piso para sa rehabilitasyon nito noong panahon ni dating Philippine National Police (PNP) Chief Alan Purisima.
Ito ang ipinahayag ni Bagong PNP Chief Deputy Director General Ricardo Marquez nang makalipat siya dito kasama ang kanyang pamilya nitong nakalipas na weekend.
Tanging sofa lamang ang meron sa sala habang isang television set naman sa gazeebo nito.
Hanggang ngayon aniya ay nag-adjust pa siya at ang kanyang pamilya sa kanilang bagong tirahan.
Siniguro naman ni Marquez na patuloy ang ginagawang imbestigasyon sa White House kahit siya na ang nakatira dito ngayon.
By Rianne Briones | Jonathan Andal
