Hindi pa makapagbigay ng komento ang Malakanyang sa ulat na posibleng ma-promote si Superintendent Marvin Marcos, ang police official na akusado sa pagpatay kay dating Albuera Leyte Mayor Rolando Espinosa.
Ayon kay Presidential Spokesman Ernesto Abella, hayaan munang gawin ni Marcos ang kanyang trabaho at tingnan kung mayroong katotohanan ang paglilipat sa kanya sa ibang puwesto.
Matatandaang umani ng pagpuna ang ulat na posible umanong ma-promote si Supt. Marcos sa kabila ng kasong kriminal na kinakaharap nito sa Korte dahil sa pagkamatay ni Espinosa kaugnay sa usapin ng iligal na droga.
- Meann Tanbio | Story from Aileen Taliping
