Remedial classes ipinauubaya na ng DepEd sa mga paaralan

Ipinauubaya na ng DepEd o Department of Education sa mga paaralan kung paano nila pupunan ang mga kukulanging araw ng klase ng mga mag-aaral.

Ito ay kasunod na rin ng mga suspensyon sa pasok ng mga estudyante sa tuwing may nararanasang sama ng panahon.

Ayon kay DepEd Undersecretary Jesus Mateo, kanilang pinapayagan ang pagkakaroon ng mga remedial classes para hindi maapektuhan ang nakalatag na mga ituturo sa mga estudyante sa isang school year.

Aniya, tulad ng pagpapasiya ng mga principal ng bawat paaralan sa kanselasyon ng klase, sila na rin ang magdedesiyon kaugnay ng mga araw para sa remedial class.

By  Krista de Dios 

Comments

comments