Pressure ng Pangulong Rodrigo Duterte para pataubin ang mga high profile drug personalities ang dahilan nang pagkakapatay kay Ozamiz City Mayor Reynaldo Parohinog, Sr.
Ayon ito kay Magdalo Party List Representative Gary Alejano matapos ang operasyon ng mga otoridad sa bahay ni Parohinog na ikinasawi nito, ng kaniyang asawang si Susan, kapatid na si Octavio at 12 iba pa.
Sinabi ni Alejano na kahit hindi kasama sa operasyon ang Pangulong Duterte may responsibilidad ito sa insidente bilang chief executive ng bansa.
Binigyang diin ni Alejano na maraming impormasyon ang nakukuha niya hinggil sa insidente na aniya’y mukhang masaker.
