Timbog ang isang dating pulis at kasama nito dahil sa pag iingat ng ilang baril at pampasabog sa Brgy Poblacion, San Antonio, Nueva Ecija.
Kinilala ni San Antonio PNP Chief Marlon Cudal ang mga suspek na sina Ruelito Roxas, dating Pulis Quezon at Alex Panganiban.
Sinabi ni Cudal na kaagad silang nagsagawa ng operasyon at nang sitahin ang Toyota Vios na sakay ang mga suspek tumambad sa mga otoridad ang caliber 40 pistol at 9mm pistol.
At nang halughugin pa ang nasabing sasakyan nakita pa ng mga otoridad ang 45 caliber pistol, granada, rifle grenade, tatlong bonnet, dalawang handheld radio, mga bala at high explosive ammunitions.
Dahil dito ipinabatid ni Cudal na nahaharap sa kasong illegal possession of firearms and explosives sina Roxas at Panganiban.
Ibinunyag naman ni Roxas na inupahan siya ni Councilor Renan Morales at isang alias Nora para patayin si Mayor Arvin Cruz kapalit ng Limang Milyong Piso.
