Nakahanda si Senate Committee on Dangerous Drugs Chairman Panfilo Lacson na magsagawa ng imbestigasyon kaugnay sa Ozamiz raid.
Ayon kay Lacson, ito ay kung may mga haharap na testigo na magpapatunay na summary execution ang nangyari at nagkaroon ng pag-abuso ang mga pulis sa kanilang ginawang pagsalakay sa tahanan ng mga Parojinog sa Ozamiz City.
Aniya, kung wala naman ay hindi niya na sasayangin ang oras ng Senado para magsagawa ng pagdinig lalo’t magsisimula na ang budget hearing at marami pa nakabitin na panukalang batas sa kanyang komite.
Una rito ay nagsumite ng resolusyon si Senator Leila de Lima sa Senado na humihiling ng imbestigasyon sa aniya’y kaduda-dudang pagsisilbi ng arrest warrant sa mga Parojinog sa Ozamiz City.
By Krista de Dios | ulat ni Cely Bueno (Patrol 19)
