Naniniwala ang maritime expert na si Jay Batongbacal na na panalo ng Tsina ang bubuuing Code of Conduct sa South China Sea ng Association of Southeast Asian Nations o Asean.
Ayon kay Batongbacal, agrabyado ang ASEAN kabilang ang Pilipinas sa kasunduan dahil nakapagtayo na ang China ng mga artipisyal na isla sa pinag-aagawang teritoryo.
Nagawa anyang palabnawin ng framework ang paninindigan ng ASEAN hinggil isang Code of Conduct na paraan upang maresolba ang mga di-pagkakaunawaan.
Inaasahang magsisimula ang negosasyon hinggil sa magiging laman ng code ngayong taon subalit sa may kondisiyon ang Tsina.
Una ng inihayag ni Chinese Foreign Minister Wang Yi na dapat munang maayos ang sitwasyon sa South China Sea at walang dapat manghimasok na mga partidong walang kinalaman sa maritime dispute.