Magkakaroon ng 13 sentimo kada kilowatt hour na dagdag singil sa konsumo ng kuryente ang Meralco ngayong Agosto.
Batay sa abiso ng Meralco, ang nasabing karagdagang singil ay bunga ng pagtaas ng generation charge.
Dahil dito, ang mga kumokosumo ng 200 kilowatt per hour kada buwan ay makakaramdam ng aabot sa P26.00 sa kanilang bill ngayong Agosto.
Habang P39.00 sa mga kumokunsumo ng hanggang 300 kilowatt per hour kada buwan; P52.00 kung 400 kilowatt per hour at P65.00 sa mga kumokunsumo ng 500 kilowatt per hour.
Paliwanag pa ng Meralco, naibawas na sa nasabing power rate hike ang refund ilang buwan na rin nilang ipinatupad.
