Pormal nang naupo bilang Chairperson ng Liberal Party o LP si Vice President Leni Robredo bilang pinakamataas na opisyal ng bansa na miyembro ng LP.
Sa kanyang mensahe, sinabi ni Robredo sa mga kapartido nito na tapos na ang isang taong pamamahinga at oras na para muling magtrabaho at buhayin ang partido.
Kasabay nito, pinasalamatan din ni Robredo ang mga kapartidong nanatili, nanindigan at hindi bumitiw sa kabila ng mga tukso at pagsubok.
Hinimok din ni Robredo ang mga miyembro ng LP na balikan ang ugat ng kanilang organisasyon na nagsilbing boses ng publiko at demokrasya.
By Ralph Obina | (Ulat ni Jonathan Andal)
