Mahigpit na nakamonitor ang Malakanyang sa sitwasyon ng bird flu outbreak sa Pampanga.
Tiniyak ni Presidential Spokesman Ernesto Abella na kumikilos na ang mga ahensya ng pamahalaan gaya ng Department of Agriculture (DA) at Department of Health (DOH) ay gumagawa na ng mga paraan upang hindi na kumalat pa sa mga karatig lalawigan ang naturang avian flu outbreak.
Maliban dito, iniimbestigahan na rin aniya ng naturang mga ahensya ang insidente.
Samantala, hinimok naman ni Abella ang publiko na maging kalmado sa sitwasyon ngunit manatili aniyang maging mapagmatyag.
