Naghahanda na ang ‘Birit Queen’ na si Morissette Amon para sa pagsabak nito sa Asia Song Festival 2017 bilang kinatawan ng Pilipinas.
Una nang inihayag ni Morissette ang kanyang paglahok sa naturang festival sa kanyang Instagram account kung saan nagpasalamat din siya sa Diyos at humingi ng suporta sa publiko.
Ang Asia Song Festival 2017 ay gaganapin sa Busan, South Korea sa Setyembre 22 hanggang Setyembres 24 na may temang ‘Asia is One’.
Makakasama ni Morissette ang iba pang artists galing sa Japan, Indonesia, Singapore, Sweden at Vietnam.
Kabilang din sa nasabing festival ang popular na Korean artists tulad ng Dynamic Duo, TAEYEON, EXO, MAMAMOO at The EastLight.
