Hiwalay na ang Weightlifting Fairy Kim Bok Joo stars na sina Lee Sung Kyung at Nam Joo Hyuk.
Ito ang nakakalungkot na kumpirmasyon ng YG Entertainment na siyang agency na humahawak sakanila.
Sa ulat ng isang Korean news site na Soompi, sinabi ng YG Entertainment na:
We checked with Nam Joo Hyuk and Lee Sung Kyung, and it is true that the two recently broke up.
Dagdag pa ng kanilang agency, hindi nila masabi ang eksaktong rason kung bakit naghiwalay ang dalawa dahil ito ay masyadong personal na.
Ngunit ayon sa ilang industry representatives, ang Weightlifting Fairy Kim Bok Joo stars ay naghiwalay dahil sa busy na schedules at napagdesisyunan nitong panatilihin na lamang ang professional relationship.
Si Nam Joo Hyuk ay abala sa isang Korean drama na ‘Bride of the Water God’ habang busy din sa taping si Lee Sung Kyung sa isang upcoming film na ‘Love Sling’.
Matatandaang kinumpirma ng dalawa ang kanilang relasyon noong Abril 24.
By Race Perez
