Nagsabit ng puting ribbon ang mga miyembro ng Migrante International sa mga lansangan sa Caloocan City patungo sa lugar kung saan binaril at napatay si Kian Loyd Delos Santos.
Nakasulat sa ribbon ang mga katagang – Kian is every OFW’S Son, Justice for Kian at stop the killing.
Nag alay din ang grupo ng kandila, bulaklak at dasal para kay Kian kasabay ang pag asang makukuha ng pamilya Delos Santos ang hustisya para sa 17 anyos na binata.
Ipinabatid ng Migrante na nagsasagawa rin ng mga pagkilos ang kanilang grupo sa ibat ibang bansa bilang pagkundena sa sinapit ni Kian gayundin sa iba pang biktima ng war on drugs ng administrasyon.
By: Judith Larino
SMW: RPE
