Ipamamahagi na ng LTO o Land Transportation Office ang driver’s license cards na may limang taong validity simula bukas.
Ayon sa LTO, kanila nang natapos ang pag-imprenta ng mga bagong lisensya na may mas pinaigting na security features at gawa sa polycarbonate plastic.
Sa kanilang abiso, sisimulan ang paglalabas ng mga bagong lisensya, 8:30 bukas ng umaga sa LTO central office sa East Avenue, Quezon City.
Hindi naman nabanggit kung maaari na ring makuha ang mga bagong lisensya sa mga satellite offices ng LTO.
Una nang sinabi ni Department of Tarnsporation (DOTr) Secretary Arthur Tugade na ang mga lisensyang may limang taong validity ay ipamamahagi sa mga bagong apply at nag-renew simula noong Oktubre nang nakaraang taon.
