Pinayagan ng Sandiganbayan ang dating Chief of Staff ni dating Senador Juan Ponce Enrile na sumailalim sa dental procedure sa Huwebes.
Si Atty. Gigi Reyes ay nakatakdang sumalang sa panoramic X-ray at tooth extraction surgery sa Taguig City mula 9:00 ng umaga hanggang 12:00 ng tanghali sa Huwebes.
Nakasaad sa desisyon ng mga mahistrado ng 3rd division ng Sandiganbayan ang kondisyong babalikatin ni Reyes ang lahat ng gastusin sa paglabas nito ng female dormitory ng BJMP o Bureau of Jail Management and Penology sa Camp Bagong Diwa sa Taguig City patungo sa dental clinic.
