Apat katao ang dinampot ng mga otoridad kaugnay sa panggagahasa at pagpaslang sa 16 anyos na dalagitang si Grace Omadlao sa Pasig City.
Ayon kay Pasig City Police Chief Senior Superintendent Orlando Yebra, Jr., ang mga inaresto ay itinuturing na nilang suspek dahil may nakakita sa mga ito na kinakaladkad si Omadlao.
Nakilala ang mga suspek na magkakapatid na sina: Joel Manuel, 31 taong gulang; Emmanuel Manuel, 27 taong gulang; Jomari Manuel, 22 taong gulang; at John Jericho Peralta, 18 taong gulang.
Sinabi ni Yebra na sumasailalim na sa interogasyon ang mga suspek na sasalang din sa DNA examination at drug testing.
Dagdag pa ni Yebra, may dalawa hanggang tatlo pa silang iimbitahang persons of interests kaugnay sa naturang kaso
