Hindi kailanman ipapakita ni Davao City Vice Mayor Paolo Duterte ang sinasabing tattoo niya sa likod.
Magugunitang hinamon ni Senador Antonio Trillanes ang Presidential Son para ipakita ang kaniyang tattoo na patunay anito ng pagiging miyembro ng drug triad.
Sinabi ni Vice Mayor Duterte na tama ang kanilang mga abogado at hindi sila mga tanga para pagbigyan ang paninira ng kanilang mga kalaban sa pulitika.
Subalit inihayag ng Presidential Son na ipapakita niya lamang ang kanyang tattoo kapag bumagsak na si Trillanes at maputol ang pakpak nito dahil sa sobrang taas ng lipad ng Senador.
Kinausap na aniya niya ang kapatid na si Baste para sabihan ang tattoo artist na huwag i post ang tattoo design.
Nagbiro pa ang Bise Alkalde na kailangan muna niyang mag exercise bago maipakita ang kaniyang tattoo.
SMW: RPE
