Muling binisita ni Pangulong Rodrigo Duterte ang Marawi City kahapon.
Taliwas ito sa naunang pahayag ng Pangulo na makikiisa sya sa mga grupong nagkilos protesta kahapon, National Day of Protest.
Binisita ng Pangulo ang mga sundalong nakikipagbakbakan sa Maute Group kasama sina AFP o Armed Forces of the Philippines Chief of Staff Eduardo Año at Defense Secretary Delfin Lorenzana.
Bitbit din ng Pangulo sa kanyang pagbisita sa Marawi sina Arnel Ignacio, Jimmy Bondoc at Paolo Santos para magbigay saya sa mga sundalo.
Ito na ang ika-limang pagkakataon na bumisita ang Pangulo simula nang ideklara ang Martial Law sa naturang syudad.
—-
