Posibleng isailalim na ng DOJ o Department of Justice sa Immigration Lookout Bulletin Order ang ama ni Ralph Caballes Trangia.
Ayon kay Justice Sec. Vitaliano Aguirre, hinihintay na lamang nila ang karagdagang ulat mula sa Manila Police District hinggil sa posibleng partiripasyon ni Antonio Trangia sa pagkamatay ng hazing victim na si Horacio Castillo the Third.
Paliwanag ni Aguirre, hindi nakasama sa kanilang unang pinalabas na ILBO ang nakatatandang Trangia dahil hindi isinama ng MPD ang pangalan nito sa listahan.
Si Antonio Trangia ang registered owner ng pulang Mitsubishi Strada na may plakang ZTV 539 kung saan isinakay si Castillo nang dalhin ito sa Chinese General Hospital.
Ulat ni Bert Mozo
SMW: RPE
