Pinag – aaralan ng MPD o Manila Police District na pasukin at halughugin muli ang mga Aegis Juris library sa Sampaloc, Maynila.
Ayon kay MPD Spokesperson Superintendent Erwin Margarejo, nais nilang matiyak kung may iba pang mga ebidensya silang makukuha sa nasabing library kung saan pinaniniwalaang isinagawa ang hazing sa law student na si Horacio ‘Atio’ Castillo III.
Naniniwala din si Margarejo na nanatiling naka-preserba ang crime scene dahil wala sila umanong nakitang kondisyon na maaaring makasira sa mga ebidensya sa krimen.
Humingi naman ang MPD ng pang-unawa sa publiko makaraang hindi pa nila maaaring ibahagi ang ilan pang karagdagang detalye sa mga ebidensya na nakuha nila sa Aegis Juris library.
