Patay ang dalawa katao at sugatan ang dalawang iba pa sa pananambang sa Barangay Libtong, Bacarra, Ilocos Norte.
Nakilala ang mga nasawi na mag-amang sina Marwin Calina na isa sa umano’y top drug personality at MM samantalang sugatan sina Jimmy Corpuz at Mark Cielo Bunuan.
Ayon sa mga awtoridad, pauwi na ang mga biktima lulan ng dalawang sasakyan nang tambangan sila mag-aalas-6:00 ng umaga kaninang umaga.
Narekober ng mga awtoridad sa crime scene ang mga bala ng m16 armalite rifle, kalibre kuwarenta’y singko at caliber 9mm.
Patuloy na iniimbestigahan ng mga awtoridad ang nasabing ambush incident.
—-
