Kinumpirma ng Malakanyang na walang Pinoy ang nadamay sa nangyaring pamamaril sa isang concert sa Las Vegas, Nevada sa Amerika.
Ito ang inihayag ni Presidential Spokesman Ernesto Abella batay na rin sa ginawang pakikipag – ugnayan ng DFA o Department of Foreign Affairs sa consul general ng Pilipinas sa Amerika.
Kasunod nito, nagpaabot ng pakikiramay ang Palasyo sa pamilya ng mga nasawi at nasugatan sa pangyayari at tiniyak nito na kaisa ang mga Pilipino sa panalangin para sa kapayapaan.
Bagama’t walang Pinoy na nadamay sa nasabing insidente, sinabi ni Abella na inatasan na rin ng DFA si Consul General Angelito Cruz na magtungo sa Las Vegas para alamin ang sitwasyon ng mga Pilipino sa lugar.
