Sugatan ang 6 sundalo matapos pasabugan ng New People’s Army o NPA ang sinasakyan nitong military truck sa Barangay Pangilihan sa Iloilo noong Biyernes.
Sinabi ni Lt. Col. Sisendo Magbalot Jr., commanding officer ng 61st Infantry Batallion ng Philippine Army, nasa ika-pitong araw na ng kanilang isinasagawang community program ang mga sundalo nang taniman ng bomba ng mga rebelde ang daanan ng mga ito.
Ayon kay Magbalot, maliban sa mga sundalo tinamaan rin sa nasabing pagsabog ang isang 64 years old na sibilyan.
Samantala, nagpapagaling pa sa ospital ang mga isinugod na biktima ng nasabing pagpapasabog ng mga rebelde.
