Pasok na sa final six ng the X-Factor UK ang Filipina singer na si Alisah Bonaobra.
Bago ang matamis na tagumpay ni Alisah ay nagkaroon muli ng drama sa kanyang pagkakapasok sa six chair challenge.
Unang napahanga ni Alisah ang audience at mga judges sa kanyang rendition ng ‘All By Myself’ ni Celine Dion dahilan kaya agad itong nabigyan ng puwesto sa final.
Pero hindi pa man nagtatagal ay natanggal na agad si Alisah matapos mag-desisyon ng judge na si Sharon Osbourne na ibigay ang puwesto ni Alisah sa isa pang contestant na si Garce Davies.
Hindi naman nagustuhan ng mga audience ang desisyon ni Osbourne at sabay-sabay na isinigaw ang pangalan ni Alisah dahilan kaya nagpatawag ito ng sing off kung saan nakalaban ng Pinay singer ang dalawa pang contestant.
Dito kinanta ni Alisah ang sikat na kanta ni Jessie J. na Bang Bang at napahanga ang lahat nang mag-rap ito.
Dito na pinal na nagdesisyon si Osbourne na ibigay kay Alisah ang puwesto sa final six.
Inaasahang dadalhin ni Osbourne ang anim na finalist ng female category sa San Francisco para sa judge’s house.
—-
