Nanindigan ang kampo ni Chief Justice Maria Lourdes Sereno na walang itinatagong yaman ang Punong Mahistrado.
Ayon kay Atty. Jose Deinla, tagapagsalita ni Sereno ito ang ang naging kaibahan ng inihaing reklamo laban sa kanilang kliyente at ang reklamong inihain sa yumaong si dating Chief Justice Renato Corona.
Paliwanag ni Deinla, sa impeachment complaint laban kay Corona ay nakikita ang mga tagong yaman nito na hindi idineklara sa kanyang SALN o Statement of Asset , Liabilities and Net Worth.
Aniya, tiwala ang kanilang kampo na walang maihaharap na ebidensya sa mga pagdinig sa impeachment complaint laban kay Sereno.
Nauna rito sinabi ni Atty. Larry Gadon na nakahdang tumestigo ang ilang mahistrado ng Korte Suprema laban kay Sereno.
—-
