Hinimok ni Carminia Castillo si Ralph Trangia, ang isa sa mga suspek sa pagkamatay ng kanyang anak na si Horacio ‘Atio’ Castillo III, na lumabas at magsabi ng katotohanan sa pangyayari.
Ito ang pahayag ni Ginang Castillo kasunod ng ulat na babalik na ng bansa si Trangia mula sa Estados Unidos.
Ayon kay Ginang Castillo, itinuturing nilang isang welcome development ang pag-uwi sa bansa ni Trangia mula Estado Unidos para sa mga isinasagawang imbestigasyon sa kaso ni Atio.
Giit ni Ginang Castillo, malaki ang magiging tulong sa kanilang pamilya na makapagpagaan ng pakiramdam at patuloy na kayanin ang sitwasyon kung lulutang na si Trangia at magbigay ng pahayag.
Si Trangia ay lumipad patungong Chicago kasama ang kanyang ina noong a Setyembre 19, ilang araw matapos mamatay si Atio dahil sa hinihinalang hazing.
