Isang eroplano ng Cebu Pacific na patungong Davao City ang naantala nang halos dalawang oras ang alis sa Ninoy Aquino International Airport o NAIA.
Ito ay matapos magpasya ang piloto ng Cebu Pacific flight 5J 963 na bumalik sa NAIA Terminal 3 dahil sa isang pink na backpack na walang umangking pasahero.
Agad namang isinailalim sa security check ang nakitang bag at dakong alas-8:30 nang nakaalis muli ang nasabing eroplano matapos na matiyak na walang banta sa seguridad.
Humingi naman ng paumanhin ang pamunuan ng Cebu Pacific sa mga naperwisyong pasahero sa pamamagitan ng kanilang spokesperson na si Charo Logarta.
(Ulat ni Raoul Esperas)
