Bumalagbag ang isang truck na may kargang 40-footer container van sa gitna ng kahabaan ng Coastal Road kaninang umaga.
Sa report ng DWIZ patrol, sinabi ng isa sa mga nakasaksi sa insidente na mabilis ang takbo ng truck na tungo sanang Kawit Cavite at dahil sa madulas na kalsada ay umikot ito matapos na biglang prumeno.
Dahilan upang madamay din ang dalawa pang sasakyan.
Nagdulot naman ng mabigat na daloy ng trapiko ang insidente partikular sa mga sasakyang papasok ng lalawigan ng Cavite.
Wala namang naitalang sugatan sa insidente.
(Ulat ni Aya Yupangco)
