Nagka-problema ang mga subscriber ng Globe sa signal ng kanilang mobile phones kaninang umaga.
Dinagsa ng mga reklamo at inquiry ang Twitter account ng Globe ng mga subscriber nito na bigong makatawag, makapag-text at makapag-internet.
Ipinabatid naman ni Globe Senior Vice President for Corporate Communications Yoly Crisanto na nagkaroon ng emergency operations sa kanilang database servers kaya’t naapektuhan ang kanilang call, SMS at data services.
Tiniyak naman ng Globe na niresolba na nila ang problema kasabay ang paghingi ng paumanhin sa kanilang subscribers.
—-
