Muling nagpatupad ng dagdag-bawas sa presyo ng kanilang produktong petrolyo ang ilang kumpanya ng langis ngayong araw.
Sa kanilang magkakahiwalay na abiso, nagtaas ng 20 centavos ang presyo ng kada litro ng gasolina ng Total, Jetti, Petron, Unioil, Eastern, Caltex, Seaoil, PTT, Phoenix, Shell at Flying V.
Samantala, nagpatupad naman ng 15 centavos na rollback sa presyo ng kada litro ng kanilang kerosene ang Shell, Flying V, Seaoil, Caltex, at Petron.
Epektibo ang pagbabago sa presyo kaninang alas-6:00 ng umaga para sa halos lahat ng kumpanya maliban sa Flying V na nauna nang magpatupad kaninang hatinggabi.
Ang ipinatupad na oil price rollback ay bunsod ng patuloy na paggalaw ng presyuhan nito sa pandaigdigang pamilihan.
—-
