Labis na ikinalungkot ng mga Senador ang pagyao ni Archbishop Ricardo Cardinal Vidal.
Sinabi ni Senador Francis Pangilinan na mapalad ang sambayanan dahil maraming buhay ang na bless kay Vidal na namuhay aniya sa kaniyang pananampalataya sa diyos, sa bayan at sa sambayanang Pilipino.
Ayon pa kay Pangilinan batid ng kardinal kung ano ang mga sakit ng lipunan at hindi ito natatakot magsalita at manawagan sa mga lider ng gobyerno na umaksyon sa problema ng bansa.
Nagpaabot naman ng pakikiramay si Senador Nancy Binay sa buong sambayanang kristyano sa pagpanaw ni Vidal.
Ang kardinal aniya ang naging sandigan at pundasyon ng kanilang family spiritual life at naging magkaibigan ang kaniyang ama na si dating Vice President Jejomar Binay at si Vidal sa loob ng matagal na panahon.
