Labindalawang (12) pamilya ang inilikas na nagpalipas ng gabi sa mga evacuation center matapos tumaas ang tubig sa ilog sa ilang barangay sa bayan ng San Enrique sa Iloilo.
Ayon kay Julie Paclibar, Municipal Disaster Risk Reduction and Management Officer ng San Enrique, anim na pamilya ang apektado mula sa Barangay Imbang Pequenio at nasa simbahan ang mga ito.
Ang anim pang pamilya na mula sa Sitio Murubuan sa Barangay Compo ay nagpalipas naman ng gabi sa covered gym.
Dahil dito, pinalilikas na ang mga residenteng nakatira malapit sa ilog para makaiwas sa anumang sakuna.
Handa na ang relief goods na ipapamahagi sa mga evacuee.
—-
