Moot and academic na ang isinusulong na impeachment hearing ng Kamara laban kay Commission on Elections o COMELEC Chairman Andres Bautista.
Ito na ang sitwasyon ngayon ayon kay House Justice Committee Chairman Reynaldo Umali matapos tanggapin ng Palasyo ang agarang pagbibitiw ni Bautista.
Sinabi sa DWIZ ni Umali na hinihintay na lamang nila ang formal notice hinggil sa pagtanggap ng Malacañang sa agarang resignation ng COMELEC Chief.
“Ang pagdinig na ito ay moot and academic dahil isa lang naman ang pakay ng impeachment at yan ay ang pagtatanggal kay Andy Bautista as Chairman ng COMELEC, at dahil siya’y wala na, tanggal na dahil ina-accept na ang kanyang resignation ay naging moot and academic na yung ating gagawin pa.” Pahayag ni Umali
Kaugnay nito ay nagpasalamat si Umali sa mabilis na desisyon ng Pangulo ukol sa nasabing isyu.
(Balitang Todong Lakas / Interview)
