Inihatid na sa kanyang huling hantungan sa Cebu Metropolitan Cathedral si Cebu Archbishop Ricardo Cardinal Vidal.
Tinatayang nasa 12,000 tao ang nakibahagi sa funeral mass para kay Vidal na pumanaw sa edad na 86 noong Oktubre 18 dahil sa komplikasyong dulot ng pneumonia.
Sa kanyang homiliya, nagbigay ng kanyang pasasalamat si Cebu Auxiliary Bishop Dennis Villarojo kay Cardinal Vidal.
PAKINGGAN: Bahagi ng homiliya ni Cebu Auxiliary Bishop Dennis Villarojo
Si Cardinal Vidal ay nagsilbing arsobispo ng Cebu sa loob ng 29 na taon bago ito nagretiro noong 2011.
Matatandaang idineklarang holiday sa Cebu ni Pangulong Rodrigo Duterte ang araw ng libing ng kardinal.
—-
