Mag-re-retiro na umano sa pulitika sa taong 2019 si Davao City Vice Mayor Paolo Duterte.
Aminado si Vice Mayor Polong, panganay na lalaki ni Pangulong Rodrigo Duterte, na ang kaliwa’t kanang kontrobersya ang nag-udyok sa kanya na lisanin na ang pulitika.
Ayon sa bise alkalde, naiyak na lamang ang kanyang anak na si Sabina at asawa dahil sa mga akusasyon ni Senador Antonio Trillanes na miyembro umano siya ng drug triad.
Sa halip ay tututukan na lamang ng nakababatang Duterte ang pamilya at pangangasiwa sa kanilang maliit na farm.
Sa kabila nito, tiniyak ng bise alkalde na magtatambal ang kanyang kapatid na si Mayor Inday Sara Duterte at bayaw na si Atty. Manases Carpio para sa 2019 local elections sa lungsod habang posible ring sumabak sa pulitika ang kapatid nilang si Sebastian “baste” Duterte.
