Umaasa si Senate Committee Vice Chairman for Public Services and Public Works JV Ejercito na malalagdaan na sa pagbisita ni Pangulong Rodrigo Duterte sa Japan ang ilang malalaking infrastructure project.
Ayon kay Ejercito, kabilang sa kanyang inaasahang lalagdaan ang 355 billion peso Mega Manila Subway Project na popondohan ng Japan International Cooperation Agreement.
Samantala, hindi pa matiyak ni Ejercito kung magkakaroon ng trabaho ang senado sa mga araw na idaraos ang ASEAN Summit.
Pursigido anya sila sa senado na gumawa ng paraan upang ihabol ang mga panukalang batas na dapat ipasa lalo’t gahol na sa oras ang mataas na kapulungan ng kongreso sa pagpasa ng panukalang 2018 national budget.
