Bagamat walang pasok ngayong araw at hindi karamihan ang pasahero, nakapagtala pa rin ng aberya sa Metro Rail Transit o MRT kaninang umaga.
Ayon sa ulat, alas-8:28 ng umaga nang pababain ang mga pasahero sa northbound ng Ayala Station.
Lumalabas na technical problem ang sanhi ng aberya kaya’t pinasakay na lamang sa kasunod na tren ang mga naapektuhang pasahero.
Matatandaang noong October 7 at 26 naitala ang pinakamaraming aberya ng MRT-3 sa iisang araw kung saan ay umabot ito sa limang aberya.
—-
