Nangako si Senadora Grace Poe na isasama niya sa draft law ng kaniyang komite ang isang probisyon na naglalayong tiyakin ang kaligtasan ng mga tsuper ng TNVS o Transport Network Vehicle Service.
Ayon kay Poe ito ay bilang pagkondena sa pagpaslang sa isang Grab driver-partner na si Gerardo “junjie” Maquidato Jr. na nakilala rin bilang good samaritan dahil sa kabutihang loob nito sa kaniyang pasahero.
Hinikayat din ni Poe ang mga otoridad na huwag tumigil sa pagtugis sa mga suspek na tumangay din ng sasakyan ng biktima.
Nanawagan naman ang Senadora sa Grab na makipagtulungan sa mga otoridad sa ikakahuli ng mga pumaslang kay Maquidato.
