Tatlong beses na nagka-aberya ang Metro Rail Transit Line 3 ngayong umaga.
Ito ay sa kabila nang pagiging holiday ngayong araw.
Batay sa abiso ng MRT-3, unang beses na nagka-aberya kaninang alas-8:23 ng umaga kung saan pinababa ang mga pasahero sa bahagi ng Quezon Avenue Southbound Station.
Dakong alas-10:53 naman ng pababain ang mga pasahero sa Magallanes South Bound Station at alas-11:11 naman nang mag-unload sa pagitan ng Quezon Avenue at Kamuning Station.
Pawang nakaranas ng technical problem ang mga nasabing nasirang tren.
Matatandaang kahapon lang din ay pinababa naman ang mga pasahero ng MRT sa Ayala Station matapos rin makaranas ng aberya ang isang tren nito.
—-
